LUCENA CITY- Natagpuan ang apat na Chinese nationals, na dinukot umano sa Pasay City, sa Batangas City sa lalawigan ng Batangas noong Biyernes.
Sa ulat nitong Sabado, sinabi ng Region 4A police na nakita ng security guard sina Wang Lan Lai, 32; Wang Qing Feng, 23; Nang Ze Cheng, 31; at Chen Wei Wei, sa kahabaan ng bypass road sa Barangay Balagtas bandang alas-3:45 ng madaling araw.
Base sa mga biktima, dinukot umano sila sa Pasay City na hindi nakilalang mga kalahi at isinakay sila sa sasakyan, saka sila piniringan, itinali ang mga kamay, at tinakpan ang bibig subalit nakatakas sila.
Hindi na nagbigay ng iba pang impormasyon ang mga pulis hinggil sa mga biktima, detalye ng umano’y abduction incident at paano sila nakatakas.
Ite-turnover ang mga biktima sa Philippine National Police Anti-Kidnapping Group para sa wastong disposisyon. RNT/SA
