TUGUEGARAO CITY, Cagayan- Nasabat ng mga pulis ang hinihinalang shabu na nagkakahalaga ng P10.2 milyon mula sa hinihinalang drug pusher sa implementasyon ng search warrant sa kanyang tahanan sa Barangay Bagay sa lugar na ito nitong Huwebes.
Kinilala ng mga pulis ang suspek na si Paul Mark Quizzagan, 39, itinuturing na high-value individual at nasa watchlist ng hinihinalang drug personalities sa Cagayan.
Kabilang sa mga narekober na item mula sa suspek ang 16 plastic sachets ng hinihinalang shabu na may bigat na 500 gramo at nagkakahalaga ng P3.5 milyon, isang pakete ng shabu na halos isang kilo at nagkakahalaga ng P6.8 milyon, isang magazine na may mga bala, at drug paraphernalia.
Saklaw ang operasyon ng warrant na ipinalabas ni Judge Jezarene C. Aquino, Executive Judge ng Tuguegarao City Regional Trial Court Branch 5.
Naghaharap ang suspek sa drug- at gun-related cases. RNT/SA
