City officials on a vaccination drive in Tacloban. Leyte. Philippines. July 28, 2014.
MANILA, Philippines – Mahigit 400 kaso ng rabies ang naitala noong 2024, na halos kalahati ay sanhi ng laway ng mga infected domestic pets, sinabi ng Department of Health (DOH) nitong Lunes.
Sinabi ng DOH na dahil sa rabies ay nagkaroon ng 100 percent fatality ,lahat ng 426 na mga kaso noong nakaraang taon ay nagresulta ng pagkamatay.
Bukod sa mga alagang hayop, 56 porsiyento ng mga kaso ng rabies ang nahawahan ng virus mula sa mga hayop na hindi ma-verify ang status ng bakuna. Ang Central Luzon, Calabarzon at SOCCSKARGEN ang mga rehiyon na may pinakamaraming kaso.
Ayon kay Health spokesperson Albert Domingo na mula sa 235 na kaso noong panahon ng pandemya noong 2020, halos dumoble ang bilang ng mga pasyenteng nagkaroon ng rabies ngayong 2024.
Umabot sa 1,750 ang mga namatay dahil sa rabies mula taong 2020 hanggang 2024.
Umapela ang DOH sa publiko na tiyaking taun-taon ang pagbabakuna ng kanilang mga alagang hayop laban sa rabies.
Ang mga bakuna ay makukuha sa mga lokal na pamahalaan at mga klinika ng beterinaryo.
Hinimok ng ahensya ang publiko, lalo na ang mga bata, na iwasan ang paglapit o pag-aalaga ng mga naliligaw na hayop lalo na ang mga nagpapakita ng senyales ng pagsalakay.
Kung sakaling makagat ang isang indibidwal, pinakamahusay na hugasan ang apektadong bahagi ng sabon at tubig bago agad humingi ng medikal na konsulta mula sa mga pasilidad ng pangunahing pangangalaga o mga animal bite centers. (Jocelyn Tabangcura-Domenden)
