MANILA, Philippines – Nagsagawa ng Family Day for Education ang Alliance of Concerned Teachers (ACT) Philippines ngayong araw sa University of the Philippines Diliman, kung saan nagsama-sama ang mga guro, education workers, magulang, estudyante, at mga tagapagtaguyod ng edukasyon. Layunin ng pagtitipon na ipanawagan na hindi makakamit ang dekalidad na edukasyon kung walang sapat na pampublikong pondo.
Ginawa ang aktibidad ilang araw bago ang pagbubukas ng klase sa Hunyo 8, at nagsilbing simbolikong pagtitipon upang ilahad ang matagal nang problema sa sektor ng edukasyon at panawagan para sa agarang aksyon ng gobyerno.
Nagbabala ang ACT na muling makakaranas ng matinding kakulangan sa mga silid-aralan, guro, at education support personnel (ESP) ang mga pampublikong paaralan sa pagbubukas ng klase, na magdudulot ng dagdag na bigat sa kasalukuyang sistema.
“Every school opening reveals the same unresolved crisis: overcrowded classrooms, insufficient teachers, a glaring lack of support personnel and learning materials, and salaries that remain far from decent and livable levels. These are not new problems—teachers know this, students know this, the Deped and the government know this—they are accumulated failures that continue to be passed on to teachers and learners,” ayon kay ACT Chairperson Ruby Bernardo.
Tinukoy ng ACT na may kakulangan na humigit-kumulang 144,000 classrooms, na maaaring umabot sa 219,000 pagsapit ng 2028 kung hindi mababago ang kasalukuyang construction rate. Tinatayang kulang din ng 150,000 guro sa buong bansa, dahilan ng sobrang laki ng klase, maraming subject load, at dagdag na trabaho para sa mga guro.
“These shortages directly translate into overburdened teachers handling larger classes, additional subject loads, and non-teaching tasks that should not be part of their core functions,” dagdag pa niya.
Ipinunto rin ng grupo ang kakulangan ng education support personnel sa humigit-kumulang 48,000 pampublikong paaralan. Tinatayang kailangan pa ng hindi bababa sa 300,000 karagdagang support staff tulad ng guidance associate, guidance counselor, registrar, school nurse, librarian, utility staff, at security guard.
“The education system cannot function on teachers alone. Yet schools continue to operate without adequate support staff, forcing teachers to absorb administrative, psychosocial, and logistical tasks on top of teaching,” ayon pa kay Bernardo.
Nagbabala ang ACT na kung hindi agad madaragdagan ang pondo at suporta, mananatiling problema ang siksikan, pagkapagod ng mga guro, at pagbaba ng kalidad ng edukasyon tuwing pagbubukas ng klase.
Binigyang-diin din ng grupo na dapat taasan ang pondo sa edukasyon hanggang 6% ng GDP, pati na ang pagtaas ng sahod ng mga guro at manggagawa sa edukasyon, kabilang ang ₱50,000 entry-level salary para sa mga guro at ₱1,200 na national living wage.
“The opening of a new school year should not be another exercise in managing shortages and concealing the failures of an underfunded education system. It must be a moment to confront the deepening education crisis and commit to genuine structural reform. We call on teachers, parents, students, and education workers to monitor conditions on the ground, document shortages, and assert every learner’s right to adequate classrooms, sufficient personnel, and humane learning conditions.” DANNY QUERUBIN
