PANGASINAN — Mahigit 5,000 piraso ng bola-bola pao ang pinagsama-sama para makabuo ng isang higanteng food display sa SM City Rosales nitong Sabado, Setyembre 26.
Bahagi ang naturang culinary showcase ng event na “Foodtok: Feed Your Feed to a Feast,” na nagtatampok ng mga paboritong pagkaing Pilipino sa malikhaing presentasyon.
Ang libu-libong bola-bola pao ay inihanda ng mga chef mula sa Angkong Noodle House at inayos bilang isang malaking visual attraction para sa mga mamimili at bisita ng mall.
Ayon kay SM City Rosales assistant mall manager Michelle Charlene “Chao” Chua, bahagi ito ng tradisyon ng mall na ipakita ang pagkain at kultura sa pamamagitan ng malalaki at malikhaing food installations.
Noong Pebrero 2025, nagtampok ang mall ng higanteng tikoy, habang mahigit 9,000 piraso naman ng butchi ang ginamit sa isa pang food display noong Pebrero 2026.
Ngayong taon, bola-bola pao naman ang naging sentro ng culinary showcase, na naglalayong ipakita kung paano maaaring gawing kakaibang visual attraction ang isang karaniwang paboritong pagkain. Mary Anne Sapico
