55-anyos na ginang nasakote sa tobats sa Taguig

MANILA, Philippines – Inaresto ng mga operatiba ng Taguig Police ang isang 55-anyos na babae sa isang shabu buy-bust operation noong Setyembre 23.

Ang suspek na kinilalang si alyas Glenda ay nasakote ng mga tauhan ng Taguig Police Drug Enforcement Unit at Substation 6 dakong 9:30 ng gabi. sa Santos Extension sa Barangay North Signal.

Nasamsam ng mga alagad ng batas ang tatlong plastic sachet na naglalaman ng hinihinalang shabu, na may timbang na 26.91 gramo na may halagang P122,988, isang marked P500 bill na ginamit bilang buy-bust money, isang digital weighing scale at cell phone.

‘Isasailalim sa eksaminasyon sa Southern Police District (SPD) Forensic Unit ang mga nasamsam habang ang pulisya ay magsasampa ng reklamo laban sa suspek dahil sa paglabag sa Republic Act 9165 (Comprehensive Dangerous Drugs Act of 2002). RNT