MANILA, Philippines- Sugatan ang anim na indibidwal, kabilang ang isang pulis, matapos magkaroon ng banggaan ng sasakyan sa Quezon Avenue sa Quezon City nitong Miyerkules.
Naganap ang insidente sa kahabaan ng EDSA Quezon Avenue Tunnel sa Barangay South Triangle dakong alas-5:40 ng umaga, ayon sa Quezon City Police District (QCPD).
Binanggit sa ulat ng minamaneho ng isang QCPD officer ang isa sa mga sasakyan.
Dinala ang mga sugatang indibidwal, kabilang ang isang pulis, sa ilang ospital, batay sa QCPD, idinagdag na walang nagtamo ng seryosong sugat.
Isinailalim naman ang bus driver na sangkot sa insidente sa police custody habang gumugulong ang imbestigasyon.
“Bagama’t isang tauhan ng QCPD ang nasangkot, ang lahat ng pamantayang proseso ay mahigpit pa ring ipinatutupad upang matiyak ang isang makatarungan, malinaw, at komprehensibong imbestigasyon,” anito. RNT/SA
