Home OPINION ‘FOLLOW THE MONEY’

‘FOLLOW THE MONEY’

ISANG malaking aral mula ‘Watergate Scandal’ na nagpabagsak kay Pres. Richard Nixon ay ang “doktrina” na ‘follow the money,’ kung saan nasundan pabalik kay Nixon ang perang “pansuhol” sa kanyang mga ‘plumbers’ na nahuling nagtatanim ng ‘listening devices’ sa kampo ng mga
‘Democrats’ sa ‘Watergate Hotel’ noong 1972.

Simula 2022, sa ilallim ng ‘America Compete Act, naglalaan ng ‘$500-million’ ang US bilang “badyet” sa ‘Global Media,’ ‘NGOs’ at mga korap na opisyal sa iba’t-ibang bansa para lang gumawa ng mga istorya at mga isyu LABAN sa China.

Naisulat natin ito dahil napansin natin ang tuloy-tuloy, walang puknat, na mga hinahabing isyu ng ilang kapatid natin sa ‘midya’ at mga mismong opisyal ng ating gobyerno laban sa China. Pinakahuli ay itong kalokohan ng ‘Chinese espionage.’

Masyado nang “halata” na sadyang “pinagsasabong” ang mga Tsino at mga Pinoy sa isang isyu (WPS) na sa totoo lang ay pwede namang daanin sa pag-uusap at diplomasya. Sa magkano, ehek, sa anong dahilan nga ba?

Sabagay, mainam ding “panligaw” ang ‘Sinophobia’ sa mga Pinoy upang di mapansin ang problema natin sa kahirapan, krimen, iligal na droga at hindi maawat na katiwalian.

Kasama rin sa “kamada” ay pagbibintang na mga “taksil” sa bayan at “pro-China” ang sino mang naninindigan na wala tayong dapat panigan—hindi China o Amerika—kundi ang interes ng Pilipinas.

Hmm. Malayo kaya sa katotohanan na kaya “pursigido” ang ilan nating mga opisyal at kahit ang ‘mainstream media’ na “gibain” ang China ay dahil may “dumadaloy” sa kanila mula sa bilyones na “gripo” ng mga Kano laban sa China?

Hindi “sikreto” na maraming NGOs na ginawa nang “negosyo” ang paghingi ng pera sa mga Kano (NED/CIA) at EU para sa kanilang mga “adbokasiya.”

Kasama kaya rito ang pagpayag na maging “tuta ng Kano” laban sa China?

‘Let us follow the money and find out,’ tama ba, mga kabayan?