Home NATIONWIDE 674 police security detail ni-recall ng PNP bago mag-halalan

674 police security detail ni-recall ng PNP bago mag-halalan

MANILA, Philippines- Sinabi ng Philippine National Police (PNP) nitong Miyerkules na ni-recall nito ang kabuuang 674 police officers ng Police Security and Protection Group (PSPG) mula sa kanilang duty para sa darating na May elections.

“As of January 12 ay umabot na po sa 674 ang mga na-recall po na protective security personnel from PSPG. Out of the figures po, mga 197 na kandidato po ang natanggalan ng protective security personnel po,” pahayag ni PNP spokesperson Police Brigadier General Jean Fajardo sa isang  briefing.

Kabilang sa 197 apektadong kandidato ang mga tumatakbong gobernador, alkalde, at konsehal, base kay Fajardo.

Sa ilalim ng Commission on Elections Resolution No. 11067, “no person shall employ, avail, or engage the services of security personnel or bodyguards during the election period” na nagsimula noong January 12.

Maaari namang mag-apply para sa exemption ang mga indibdiwal na nahaharap sa security threats.

“As a matter of procedure, habang ang kanilang application for certificate of authority or at least exemption to avail security detail, ay meron na pong kapangyarihan po ang PNP na mag-isyu ng temporary authority to avail security detail,” ani Fajardo.

“Hindi rin po natin puwede ipagwalang-bahala yung threats po particularly ng mga kandidato,” dagdag niya.

Kasado ang eleksyon sa Mayo 12. RNT/SA