BULACAN, Philippines – Pitong hinihinalang hindi rehistradong luxury cars ang nakumpiska sa Bulacan, sinabi ng Philippine National Police Highway Patrol Group (PNP HPG) nitong Huwebes.
Natagpuan ang mga sasakyan sa isang gasolinahan sa kahabaan ng Northern Luzon Expressway (NLEx) sa bayan ng Marilao noong Martes ng gabi nang i-report ito ng isang concerned citizen sa pulisya, sinabi ni HPG spokesperson Lt. Nadame Malang sa isang panayam sa mga mamamahayag sa Camp Crame.
“This concerned citizen of ours thought it was very unusual for there to be seven luxury cars in one area at that gas station. They were there for almost one to two hours. If they were just getting gas, they would’ve only been there for almost 30 minutes.”
“Our operatives validated that our concerned citizens’ tip was true, that these seven luxury cars were using improvised plates. That was the initial violation… We then found out that these were unregistered vehicles,” aniya.
Sa ulat ng pulisya na ibinigay ng HPG, kinilala ang mga sasakyan bilang isang Ferrari, isang Toyota Supra, isang BMW M2 Coupé, isang Toyota Land Cruiser, dalawang Nissan GTR, at isang Maserati.
Nahuli rin ng mga pulis ang pitong driver. Kinilala lamang sila ni Malang bilang “mga negosyante.”
Mahaharap sila sa mga kaso para sa paglabag sa Republic Act No. 4136 o ang Land Transportation and Traffic Code, partikular na ang pagmamaneho ng di-umano’y hindi rehistradong sasakyan, sinabi ng tagapagsalita ng HPG.
Samantala, ang pitong nasabat na luxury cars ay itinurn-over sa Land Transportation Office central office sa Quezon City, sabi ni Malang.
Hindi pa matukoy ng mga awtoridad kung bakit nasa NLEx gas station ang pitong driver, ayon sa tagapagsalita ng HPG.
Sinabi rin ni Malang na tinutunton ng HPG kung ang mga luxury cars na nasamsam sa operasyon noong Lunes ng gabi ay konektado sa mga luxury car ng private contractor na mag-asawang Curlee at Sarah Discaya. Bagama’t hindi niya agad maitatag kung paano sila magkakaugnay. RNT/MND
