Bulacan – Arestado ang pitong drug suspect matapos umanong mahulihan ng P102,000 halaga ng iligal na droga sa buy-bust operation ng pulisya sa San Jose Del Monte (SJDM).
Kinilala ang mga suspek na sina Dennis Domingo, 45, Mc Lester Cruz, 36, Raymond Cruz, 40, Ronald Bolo, 47, Eduard San Diego, 47, Nicolas Noprada, 50 at Ricky Julian, 45.
Sa report ng SJDM police station, ikinasa ang operasyon bandang 8:30 ng gabi nitong Nobyembre 7, sa Brgy. Muzon East.
Ayon sa report, nakumpiska sa operasyon ang nasa 15 grams na pinaghihinalaang shabu na may standard price na P102,000.
Sinasabing sina San Diego, Noprada at Julian ay pawang mga dayo at kapwa residente ng bayan ng Sta. Maria.
Nahaharap ang mga naarestong suspek sa kaukulang kaso habang nakakulong sa naturang istasyon ng pulisya. Dick Mirasol III
