MANILA, Philippines – Naharang ng animal quarantine checkpoint sa Quezon City ang pagpasok ng 70 baboy na kalaunan ay napag-alamang positibo sa African Swine Fever (ASF), sinabi ng Department of Agriculture (DA) nitong Biyernes, Setyembre 27.
Kinumpiska ng Bureau of Animal Industry (BAI) ang mga baboy sa checkpoint sa Mindanao Avenue, ayon kay Agriculture Assistant Secretary for Swine and Poultry Dr. Constante Palabrica.
“This operation is critical in stopping the ‘ping pong’ movement of the ASF virus between the northern and southern regions of the country,” saad pa sa pahayag ni Palabrica.
Mula Agosto ay naharang na ng BAI ang nasa 500 ASF-infected pigs sa buong bansa. RNT/JGC
