MANILA, Philippines- Nasagip ng mga tauhan ng Philippine Coast Guard (PCG), sa maagap na pagtugon nito sa posibleng tragedya, ang kabuuang 19 crew ng passenger-cargo vessel Ciara Joie 1 na sumadsad sa katubigan ng Rio Hondo nitong Biyernes.
Nang natanggap ang distress call, agad na nagpadala ng team ang PCG partikular ang Special Operation Group Team 1 (SWM), kasama ang mga tauhan ng Coast Guard Sub-Station Rio Hondo, Coast Guard Provost Marshal Unit-SWM at Coast Guard Weapons Communications and Electronics Information System-SWM.
Naisakatuparan nila ang kanilang misyon na hanapin at iligtas ang sinumang apektado. Lahat ng indibidwal na sakay ng Ciara Joie 1 ay ligtas at binigyan ng kinakailangang pag-aalaga sa pasilidad ng Coast Guard Special Operation Unit.
“Our teams remain vigilant in monitoring the area for any environmental impact and have advised the vessel’s captain to take appropriate actions.”
“As we continue to monitor the situation, the Philippine Coast Guard assures the public that all necessary measures are being taken to safeguard our waters and ensure the welfare of our maritime community,” ayon sa PCG. Jocelyn Tabangcura-Domenden
