Ted Herbosa bilang DOH chief aprub sa CA panel

MANILA, Philippines – Inirekomenda na ng Commission on Appointments (CA) Committee on Health nitong Martes, Disyembre 5 ang kumpirmasyon para ng ad interim appointment ni Dr. Teodoro Herbosa bilang kalihim Department of Health (DOH).

Ito ay kasunod ng hakbang ni Camarines Sur Representative Lray Villafuerte Jr., CA majority floor leader, na i-endorso ang kumpirmasyon ni Herbosa bilang DOH secretary sa Senate plenary.

Inaprubahan naman ni panel chairperson Senator Bong Go ang mosyon.

Ito ang ikalawang pagdinig ng CA sa ad interim appointment ni Herbosa, matapos itong ma-bypass noong Setyembre dahil sa “lack of material time.”

Dahil dito, muling itinalaga ni Pangulong Ferdinand Marcos Jr. si Herbosa bilang DOH chief.

Unang itinalaga si Herbosa sa posisyon noong Hunyo kapalit ni dating DOH officer-in-charge Maria Rosario Vergeire. RNT/JGC