MANILA, Philippines – Inilagay sa yellow alert status ang Luzon at Visayas ngayong hapon ng Miyerkules, Abril 17, sinabi ng National Grid Corporation of the Philippines (NGCP).
Ang yellow alert status ay nagsimula ala-1 ng hapon at tatagal hanggang alas-11 ng gabi sa Luzon, at 10 p.m. sa Visayas.
Nangangahulugan ito na manipis ang suplay ng kuryente sa mga apektadong lugar.
Ayon sa report, 18 power plants ang kasalukuyang naka-force outages habang tatlo naman ang tumatakbo na mas mababa sa normal capacity sa Luzon.
Sa Visayas, 13 power plants ang nasa forced outages habang lima iba pa ang nasa below normal capacity. RNT/JGC
