DAVAO CITY – Siniguro ng Department of Environment and Natural Resources sa Davao Region (DENR-11) nitong Martes na nagsasagawa sila ng masusing imbestigasyon sa pagkamatay ng isang Philippine eagle noong nakaraang linggo.
Noong Hulyo 8, namatay si Philippine Eagle “Mangayon” dahil sa matinding pagkawala ng dugo dahil sa sugat mula sa improvised air gun na tinatawag na “jolen” (marble).
Sa episode ng Kapihan sa Bagong Pilipinas, sinabi ni DENR-11 Director Maria Mercedes Dumagan na hinahanap pa rin ng mga tauhan ng DENR, sa malapit na koordinasyon sa Philippine Eagle Foundation (PEF), ang salarin na responsable sa pagpatay kay Mangayon.
“Sa loob ng linggo, sila (PEF) ay makikipag-coordinate sa National Bureau of Investigation para sa case build-up. But first, we have yet to identify the culprit,” ani Dumagan.
Sa ilalim ng Republic Act 9147, na kilala bilang Wildlife Resources Conservation and Protection Act, ang mga ilegal na gawain tulad ng pagpatay at pagsira sa mga critically endangered wildlife species ay mapaparusahan ng batas, na may anim na taon at isang araw hanggang 12 taong pagkakakulong at may parusang mula P100,000. sa P1 milyon.
Kasunod ng insidente, sinabi ni Dumagan na paiigtingin nila ang kanilang information and education campaign sa mga komunidad.
Hinimok din ni Dumagan ang publiko na tumulong sa pangangalaga sa kapaligiran at wildlife. RNT
