MANILA, Philippines – Pumalag si Vice President Sara Duterte nitong Miyerkules, Hulyo 17 sa pagtatalaga nito sa sarili bilang “designated survivor” sa papalapit na State of the Nation Address ni Pangulong Ferdinand Marcos Jr.
Aniya, hindi ito biro at hindi rin isang bomb threat.
“It is my first time to see a Vice President being checked for attendance in everything,” sinabi ni Duterte kasabay ng National Kickoff ng Brigada Eskwela.
“It is not a joke. It is not a bomb threat. Many missed the point. For me, if you don’t understand the first time, I don’t think you deserve an explanation,” dagdag niya.
Matatandaan na sinabi ni Duterte na hindi siya dadalo sa SONA ni Marcos sa Hulyo 22 kasabay ng pagtatalaga sa sarili bilang “designated survivor.”
Sa tradisyon sa US noong Cold War, isang miyembro ng Gabinete ang hindi pumupunta sa Capitol sa taunang speech ng Pangulo.
Ang ideya ay upang magkaroon ng “designated survivor” na mabubuhay pa rin sa panahong mapatay ang Pangulo, Bise Presidente, mga miyembro ng gabinete, mga lider ng Kongreso at miyembro ng Korte Suprema na nagsasama-sama sa iisang lugar para pakinggan ang speech. RNT/JGC
