MANILA, Philippines – Binalaan ng Environmental group EcoWaste Coalition ang publiko laban sa paggamit ng lipgloss na may artificial dye rhodamine B, na isang harmful substance.
Sinabi ng grupo na ang mga nakakapinsalang produkto ay ibinebenta sa online at sa ilang mga tindahan sa Malabon City.
Inilabas ng EcoWaste ang babala matapos payuhan ng Food and Drug Administration (FDA) noong Hulyo 31 ang publiko laban sa pagbili ng Meiya Matte Lipgloss – ME-6058, isang produktong gawa ng China na nagpositibo sa rhodamine B.
Sinabi ng grupo na ang rhodamine B, ang red-to-violet artificial dye, ay ipinagbawal ng ASEAN Cosmetic Directive dahil sa mga panganib sa kalusugan nito.
Gayunpaman, ipinakita ng mga pag-aaral na ang rhodamine B ay karaniwang ginagamit sa mga produktong kosmetiko dahil ito ay mas mura at may mas matatag na kulay kaysa sa natural na mga natural dyes.
Hinimok ng FDA ang mga kinauukulang establisyimento na iwasang magbenta ng lipgloss na may rhodamine B.
Nanawagan din ito sa mga regional field offices, local government units, at law enforcement agencies na tiyaking hindi ibebenta ang produkto sa kani-kanilang lugar.
Hinikayat din ng FDA ang publiko na iulat ang anumang pagbebenta, pamamahagi, at ireklamo sa kanilang tanggapan ang kaugnay na produkto. (Jocelyn Tabangcura-Domenden)
