Arestado ng pinagsanib na operatiba ng NBI-Cybercrime Division (NBI-CCD) at NBI- Technical Intelligence Division (NBI-TID), ang anim na Chinese nationals sa Angeles City, Pampanga dahil sa cyber-related scams.
Sinabi ni NBI Director Judge Jaime B. Santiago (Ret.) nakatanggap ang CCs ng sulat mula Naval Intelligence and Security Group (NISG), na hinihiling ng tulong para sa validation at pagsilbi ng warrant sa suspek na sina GUO JINXIE, ZHANGXIAO FENG, at LO HSING HUNG.
Ang nabanggit na mga dayuhan ay may outstanding Warrant of Arrest na inisyu ng RTC Branch 296, Paranaque City para sa umano’y
Qualified Trafficking in Persons .
Bilang tugon , nagsagawa ng operasyon ang CCD at TID upang isilbi ang warrant of arrest laban sa isa sa mga suspek na si ZHANGXIAO FENG, na napag-alamang nasa D Heights Resort Golf and Country Club.
Gayunman wala si FENG nang isilbi ang warrant ngunit napansin ng operatiba ang set up ng opisina dahil mayroong iba’t ibang desktop computer, cellular phone, sim card, ilang script, at customer ledger.
Ayon kay Santiago ,batay sa eksaminasyon at viewing sa mga desktop, natuklasan ang romance scam scripts, messaging applications na may kahina-hinalang accounts,bank accounts, at mapanlinlang na cryptocurrency investment platform, na nagmumungkahi na ang mga indibidwal na gumagamit ng mga device na ito ay nakikibahagi sa mga mapanlinlang na aktibidad sa buong mundo.
Alinsunod dito, ginagamit ang mga script at tool na ito sa mga aktibidad ng scam gaya ng mga catfishing scam, credit card scam, cryptocurrency scam, at pekeng investment scam, bukod sa iba pa.
Dahil may krimeng nagawa sa presensya ng mga operatiba, anim (6) na Chinese nationals na sina: XIAOJUN WANG, XUE FENG ZHANG, KE XIN GE, DIE LIU, YU JIE WANG, at HONG HONG ZHU ang inaresto sa flagrante delicto dahil sa paglabag sa Computer-Related Forgery sa ilalim ng RA No. 10175 (Cybercrime Prevention Act of 2012), Social Engineering Schemes sa ilalim ng Seksyon 4(b)(1) at Economic Sabotage sa ilalim ng Seksyon 4(c)(1) ng RA No. 12010 (Anti-Financial Account Scamming Act) na may kaugnayan sa RA No. 10175. ,
Ipinrisinta na sa Department of Justice (DOJ) ang mga dayuhan para sa naturang mga paglabag.(Jocelyn Tabangcura-Domenden)
