Jackie Chan torchbearer sa pagbubukas ng  Paralympics 2024

Itinalaga si Hong Kong-born martial arts actor Jackie Chan bilang torchbearer sa  opening ceremony bukas ng  Paralympics sa Paris, France.

Naatasan ang 70 anyos na martial artist na magdala ng  Paralympic torch sa Paris at ipaparada ito ilang oras bago ang nakatakdang opening ceremony.

Matatandaang unang sinindihan ang Paralympic flame noong araw ng Sabado sa United Kingdom, ang kinikilalang birthplace ng Paralympic Games.

Ibiniyahe ito mula UK  papuntang France sa pamamagitan ng Channel Tunnel sa pangunguna ni  wheelchair fencing medalist Emmanuelle Assmann.

Base sa ulat, darating  sa Paris ang naturang torch sa Miyerkules (oras sa France)  sa opening ng Paralympics sa araw ding iyon.

Sisipa ang  opening ceremony ng Paralympics sa Stade de France, kasama ang magarbong athletes parade sa ilang bahagi ng central Paris.

Mahigit 4,400 atleta ang maglalaban sa 22 sports sa paralympics na nakatakda mula  Aug 28 hanggang Sept. 8, 2024 .

Sa edisyong ito ng Paralympics, mayroong 549 medal na paglalabanan ng mga atleta.JC