CEBU CITY- Arestado ang isang barangay captain sa City of Naga, southern Cebu dahil sa umano’y paggamit ng pekeng certificate authorizing registration (CAR), isang dokumentong iniisyu ng Bureau of Internal Revenue (BIR) sa paglilipat ng ari-arian.
Nadakip si Edden Gera Nocon ng Barangay Tinaan sa hot pursuit operation na isinagawa noong Agosto 22 ng National Bureau of Investigation-Central Visayas (NBI-7).
Nag-ugat ang operasyon sa operation sa isang entrapment operation na isinagawa ng NBI-7 sa loob ng opisina ng Provincial Registry of Deeds sa Barangay Guadalupe sa lungsod na ito.
Anang NBI-7, nagpresesta umano si Nocon, sa pamamagitan ng isang kinatawan, ng pekeng eCAR at deed of absolute sale.
Isinumite ang nasabing pekeng dokumento sa Office of the Registry of Deeds upang maglipat ng orihinal na sertipiko ng titulo ng lupa sa Moalboal, Cebu na may kabuuang sukat na 28,626-square meters.
Lumabas na ang umano’y buyer ng ari-arian ay ang pumanaw na ina ni Nocon, ayon sa NBI-7.
Matapos ipresenta ang mga pekeng dokumento, nagsagawa ang NBI-7 ng operasyon na nagresulta sa pagkakaaresto ni Nocon.
Nadiskubre ng mga awtoridad na ang QR code ng mga pekeng dokumento ay orihinal na nakalagay sa isa pang eCAR sa pagbebenta ng ari-arian na may sukat na 8,626-square meters.
Kasunod ang operasyon sa hiling ni Atty. Fidel Calvan sa NBI-7 na magsagawa ng masusing imbestigasyon sa umano’y pamemeke ng CAR upang palabasin na nagmula umano sa regional district office ng BIR sa Talisay City.
Nadiskubre rin ng NBI-7 na nahaharap din si Nocon sa hiwalay na kasong falsification of a motor vehicle certificate of registration.
“The impact of this investigation and operation is very crucial because it involves the integrity of our Torrens System and the government revenue collection effort. Thus, the Department of Justice and the Department of Finance will go after those who will engage in this criminal activity to the fullest extent of the law,” wika ng NBI-7.
Nagsampa na ng kasong two counts ng paglabag sa National Internal Revenue Code at falsification of publication documents laban sa suspek. RNT/SA
