Nakasentro sa mga praktikal na pagsasanay sa cybersecurity sa ikalawang-araw ng IT Conference na isinagawa ng Department of Labor and Employment (DOLE) sa Eastwood Richmonde Hotel.
Pinangunahan ni Alwell Mulsid, NCERT Head ng DICT, ang tabletop exercise, kabilang ang breach simulations, na naglalayong paghusayin ang pagtugon ng DOLE sa mga insidente at pagsubaybay sa mga banta. Nagsagawa rin ng session sa personal cybersecurity, kung saan binibigyang-diin ang responsibilidad ng indibidwal sa pagprotekta ng data.
Ang ikatlong araw ay nakatuon sa AI sa pampublikong sektor.
Tinalakay ni Michelle Alarcon, Presidente ng Analytics and AI Association of the Philippines, kung paano mapapahusay ng AI ang mga operasyon ng pamahalaan.
Naging paksa ni Anupam Bhargava, ng Tiger Analytics, ang “Data and AI: A Roadmap,” na nagbibigay-diin sa kahalagahan ng isang komprehensibong imprastraktura ng data para sa integrasyon ng AI.
Nagsalita si Atty. Karin Litz Zerna ng Civil Service Commission tungkol sa “Ethical Use of AI,” at ipinakita ni Jase Nathaniel Tiojanco ng Microsoft Philippines ang potensyal ng AI para mapabuti ang workflow ng mga programa ng DOLE. Ibinahagi nina Bobby Khan ng Google Philippines at Dennis Magsajo ng AWS kung paano makatutulong ang AI tools sa mga pagsisikap na maging digitize ang DOLE.
Bilang pagtatapos, ibinahagi ni Aurelien Chu, Co-Founder at CEO ng Eskwelabs, ang kanyang kaalaman sa pagbuo ng data at pagpapahusay ng kapasidad sa analytics ng organisasyon.
Pagkilala sa mga DOLE Innovations
Pagkilala sa mga DOLE Innovations
Nagtapos ang kumperensiya sa isang hackathon, pagkilala sa mga grupo mula sa National Wages and Productivity Commission, Professional Regulation Commission, Bureau of Local
Employment, at DOLE regional offices para sa kanilang mga makabagong digital solutions. “Ang kumperensyang ito ay isang patunay ng aming pangako na pamunuan ng DOLE ang paggamit ng teknolohiya para sa kapakanan ng publiko,” wika ni Assistant Secretary Añover. “Ang susunod naming malaking hakbang ay simulan ang paghahanda para sa aming DOLE Data at AI Roadmap.”
Hakbang sa Pagsulong
Inilatag ng DOLE IT Conference 2024 ang pundasyon para sa digital transformation ng Kagawaran. Sa pamamagitan ng pagsasama-sama ng mga eksperto sa industriya at mga internal stakeholder, ang DOLE ay gumagawa ng mga hakbangin tungo sa integrasyon ng makabagong teknolohiya upang mapahusay ang paghahatid ng serbisyo nito sa mga manggagawang Pilipino.
