MANILA, Philippines- Namahagi ang United States government ng emergency aid at air transport support sa Pilipinas matapos ang hagupit ni Bagyong Julian (internationally name: Krathon).
Sinabi ng US Department of Defense (DOD) nitogn Sabado na ang US Marines, “at the request” ng Philippine government, ay nagpadala ng tauhan at kagamitan upang maghatid ng foreign disaster relief (FDR) supplies sa pamamagitan ng KC-130J Hercules aircraft sa mga apektadong lugar sa bansa.
Nilisan ng dalawang Marine Corps KC-130Js ang Okinawa, Japan at dumating sa Manila nitong Oct. 5 upang suportahan ang umiiral na relief efforts.
Makikilahok ang III Marine Expeditionary Force (MEF) sa mga tauhan mula sa I MEF’s 15th Marine Expeditionary Unit and Marine Rotational Force – Southeast Asia, na “already located in-country for training,” upang pangasiwaan ang pamamahagi ng tulong.
Kabilang sa humanitarian assistance supplies ang tarps, shelter kits, food packets, at iba pang non-food items.
Sinabi ng DOD na katuwang ang US military ng Armed Forces of the Philippines sa pamamagitan ng US Department of Defense Overseas Humanitarian, Disaster, and Civic Aid Program. RNT/SA
