MANILA, Philippines- Tatakbo bilang representate o kinatawan ng Kababaihan Partylist si Quezon City Councilor Kate Galang-Coseteng para sa May 2025 national and local elections.
Siya ay manugang ni Anna Dominique “Nikki” Coseteng, na dating senador at congresswoman ng ikatlong distrito ng Quezon City.
Naghain ng certificate of nomination and acceptance (CONA) sa Manila Hotel Tent City si Coseteng na naglatag ng kanyang plataporma na magbibigay ng kabuhayan para sa mga kababaihan at upang tugunan ang digital human trafficking.
Sinabi ng party-list group na isusulong nito ang abortion, reproductive health (RH) bill, at divorce ngunit may “exceptional circumstance” o depende pa rin sa sitwasyon.
Ang iba pang partylist groups na naghain ng CONA noong Martes ay Serbisyo sa Bayan partylist, United Frontliners of the Philippines partylist, at Tulungan Tayo partylist. Jocelyn Tabangcura-Domenden
