Lolit, ‘sinopla’ ni Kobe sa joke kay Kyline!

Manila, Philippines- Umiral ang likas na pagkataklesa ni Lolit Solis nang biruin niya si Kobe Paras nang magkita sila sa isang event sa Okada Manila.

Kasama ni Kobe ang kanyang amang si Benjie.

Biro ni Lolit kay Kobe, sana man lang daw ay ka-level ni Sharon Cuneta o Kris Aquino ang kinuhang nobya nito.

Halatang ikinapikon ni Kobe ang birong ‘yon ng talent manager.

Sagot daw ni Kobe sa kanya: “You don’t say that to my girlfriend!”

Kung hindi pa sa pambubuska ni Lolit ay hindi pa makukumpirma ang real score sa pagitan nina Kobe at Kyline Alcantara.

Naramdaman din ni Lolit na nairita si Kobe sa biro niya, dahil hanggang sa makaalis daw ito’y hindi siya nito binati.

It was Kobe’s dad Benjie who apologized on behalf of the younger Paras.

Ayon kay Benjie, hindi raw gaanong na-recognize ni Kobe si Lolit.

Bukod dito’y hindi sanay si Kobe sa mga showbiz jokes.

Kasi naman! Ronnie Carrasco III