MANILA, Philippines- Tiniyak ng Department of Justice (DOJ) na magsasagawa ito ng preliminary investigation sa mga kaso ng high-profile killings na naganap sa ilalim ng administrasyong Duterte.
Sinabi ni DOJ Undersecretary Raul T. Vasquez na agad sisimulan ng kagawaran ang imbestigasyon nito at case build-up sa sandaling maipasa sa kanila ng House Quad-committee ang committee report kalapit ang salaysay ng mga saksi “or when someone files a complaint against those responsible. Thus could come from the police or private complainants. There must be an initiatory process.”
Ang House Quad-Comm ang nagsasagawa ng pagdinig sa Philippine Offshore Gaming Operators (POGOs) at sa extrajudicial killings habang isinasagawa ang illegal drugs operations.
Kabilang dito ang pagpatay kina Philippine Charity Sweepstakes Office (PCSO) board secretary at retired police general Wesley Barayuga noong 2020; Mayor Antonio Halili ng Tanauan, Batangas noong 2018; Mayor Rolando Espinosa ng Albuera, Leyte at pagpatay aa convicted drug lords na sina Chu Kin Tung, Li Lan Yan, at Wong Meng Pin sa loob ng Davao Prison and Penal Farm (DPPF) noong 2016. Teresa Tavares
