MANILA, Philippines- May kabuuang 3,845 mula sa 6,600 indibidwal ang pumasa sa physicians licensure examination nitong Oktubre, ayon sa Professional Regulation Commission (PRC).
Nanguna si Isaac Edron Orig ng Davao Medical School Foundation sa pagsusulit na may rating na 89.33%, sinundan ni Rolter Lorenz Lee ng University of Santo Tomas (89.25%), at Jerickson Rodney Cua ng University of the Philippines Manila (89.17%).
Ika-apat si Nijell Potencioso ng Cebu Institute of Medicine (CIM) (89.08%), habang si Kiel Christian Alday ng UST ang ika-lima sa pagsusulit (88.83%).
Pareho namang nasa ika-anim na pwesto sina Ryan Delfin Encarnacion at Martin Aaron Mamangon ng UP Manila (88.33%).
Pasok din sa top 10 sina Frances Dominique Ho (88.00%) ng UP Manila, Anne Corine Ramos ng Far Eastern University-Dr. Nicanor Reyes Medical Foundation (87.83%), Christian Lloyd Loo ng CIM (87.75%), at Chelseah Denise Torres (87.67%) ng UST.
Iaanunsyo pa ng PRC petsa at pagdarausan ng oathtaking ceremony. RNT/SA
