MANILA, Philippines – Magdadala ng maulap na kalangitan na may kalat-kalat na pag-ulan ang Intertropical Convergence Zone (ITCZ) sa ilang bahagi ng Southern Mindanao.
Ayon sa PAGASA ngayong Linggo, Oktubre 20, makararanas ng maulap na kalangitan at kalat-kalat na pag-ulan at thunderstorm dahil sa ITCZ ang Zamboanga Peninsula, SOCCSKSARGEN, BARMM, Davao Occidental, at Palawan.
Makararanas naman ng bahagyang maulap hanggang sa maulap na kalangitan na may isolated rain showers o thunderstorm ang Cagayan Valley at Aurora dahil sa easterlies.
Ang nalalabing bahagi ng bansa naman ay magkakaroon ng bahagyang maulap hanggang sa maulap na may kalat-kalat na pag-ulan dahil sa localized thunderstorm. RNT/JGC
