MANILA, Philippines – Lumakas pa at naging isa nang Tropical Storm ang dati ay Tropical Depression Kristine.
Sa ulat ng PAGASA, huling namataan ang bagyo sa layong 390 kilometro silangan ng Virac, Catanduanes taglay ang lakas ng hangin na aabot sa 65 kilometro kada oras at pagbugso na hanggang 80 kilometro kada oras.
Kumikilos ito sa direksyong pakanluran sa bilis na 15 kilometro kada oras.
Dahil dito, nakataas ang Tropical Cyclone Wind Signal (TCWS) no. 1 sa mga sumusunod na lugar:
Luzon
Eastern at central portions ng mainland Cagayan (Piat, Santo Nino, Camalaniugan, Tuao, Lal-Lo, Enrile, Gonzaga, Alcala, Amulung, Santa Teresita, Baggao, Buguey, Solana, Rizal, Santa Ana, Tuguegarao City, Gattaran, Peñablanca, Iguig, Lasam, Aparri, Allacapan)
Isabela
Quirino
Southern portion ng Nueva Vizcaya (Alfonso Castañeda)
Aurora
Eastern portion ng Rizal (Tanay, Pililla, Jala-Jala)
Eastern portion ng Laguna (Majayjay, Magdalena, Pila, Santa Cruz, Pagsanjan, Luisiana, Cavinti, Lumban, Kalayaan, Paete, Pakil, Pangil, Siniloan, Famy, Santa Maria, Mabitac, Nagcarlan, Liliw)
Northern at eastern portions ng Quezon (Tagkawayan, Guinayangan, Buenavista, San Narciso, San Andres, General Nakar, Pitogo, San Francisco, Calauag, Pagbilao, Infanta, Lopez, Catanauan, Mulanay, Unisan, General Luna, Plaridel, Quezon, Alabat, Sampaloc, Padre Burgos, Macalelon, Mauban, Perez, Agdangan, Gumaca, Atimonan, Real, Lucena City, Lucban, City of Tayabas)
Polillo Islands
Marinduque
Romblon
Camarines Norte
Camarines Sur
Catanduanes
Albay
Sorsogon
Masbate kabilang ang Ticao Island at Burias Island
Dinagat Islands
Surigao del Norte
Siargao – Bucas Grande Group
Inaasahan naman na makararanas ng malalakas na pag-ulan ngayong araw ang Bicol Region, Eastern Visayas, Isabela, Quirino, Aurora, at Quezon na may kasamang malalakas na bugso ng hangin dahil sa Tropical Storm Kristine.
Ang Metro Manila, nalalabing bahagi ng Luzon, Visayas, Zamboanga Peninsula, Northern Mindanao, Basilan, Sulu, at Tawi-Tawi ay makararanas naman ng maulap na kalangitan na may kalat-kalat na pag-ulan at thunderstorm dahil sa Trough ng Tropical Storm Kristine.
Habang ang nalalabing bahagi ng Mindanao ay magkakaroon ng bahagyang maulap hanggang maulap na kalangitan na may isolated rain showers o thunderstorms dahil din sa Trough ng Tropical Storm Kristine.
“The wind signals warn the public of the general wind threat over an area due to the tropical cyclone. Local winds may be slightly stronger/enhanced in coastal and upland/mountainous areas exposed to winds. Winds are less strong in areas sheltered from the prevailing wind direction,” ayon sa ulat ng PAGASA.
“Kristine is forecast to move northwestward to west northwestward until Thursday (24 October) before turning westward for the rest of the forecast period,” pagpapatuloy ng ahensya.
Maaaring mag-landfall ang bagyong Kristine sa Isabela sa Miyerkules ng gabi at lumabas ng Philippine Area of Responsibility sa Biyernes ng gabi. RNT/JGC
