MANILA, Philippines – Nanawagan si Department of Trade and Industry (DTI) Acting Secretary Ma. Cristina Roque sa mga micro, small, and medium enterprises (MSMEs) na i-avail ang low-interest loan program ng ahensya na layong makatulong sa pagrekober mula sa epekto ng hagupit ng bagyong Kristine.
Sa panayam ng DZBB, sinabi ni Roque na hanggang nitong Biyernes, Oktubre 25, ay mayroong “381 MSMEs [which] have been affected by the typhoon.”
“There are many loans that are flexible and more applicable for MSMEs,” aniya.
Partikular niyang tinukoy ay ang paglalaan ang SB Corporation ng DTI ng P2 bilyon para sa Enterprise Rehab Program.
Layon ng programa na “rehabilitate sa mga negosyo na naapektuhan ng bagyong Kristine.”
“They can avail this starting yesterday until December 31, 2024,” ani Roque.
“The minimum loan, it can really go as low as P10,000… The maximum loan ay P300,000. This loan is really mostly to help MSMEs,” pagpapatuloy pa nito.
Sinabi ni Roque na ang enterprise rehab loan ay mayroong zero interest sa unang taon at magkakaroon lamang ng 1% interest rate kada buwan sa mga susunod na taon ng repayment.
“Pwede silang umutang sa SB Corp. Bisitahin lamang ang http://sbcorp.gov.ph… We’ll try to process as fast as we can… One week if kumpleto ang kanilang requirements,” ani Roque. RNT/JGC
