MANILA, Philippines – KAPUWA tinintahan ng Pilipinas at United Arab Emirates (UAE) ang isang memorandum of understanding (MOU) na naglalayong magtulungan hinggil sa ‘renewable at nuclear energy’, bukod sa iba pa na may kasamang implementation agreement na nakatakdang lagdaan ng Pilipinas kasama ang UAE state-owned company sa Enero 2025.
Sinabi ng Department of Energy (DOE) na tinutukoy ng MOU ang mga ‘areas of collaboration’ bilang renewable energy; liquefied natural gas bilang transition fuel; power generation, transmission, systems; nuclear energy; energy efficiency and conservation; at alternative fuels and emerging technologies.
Sinasabing ang MOU ay isa sa pinakamahalagang kasunduan na naabot ng working visit ni Pangulong Ferdinand Marcos Jr. sa UAE noong nakaraang buwan, kung saan nakapulong niya si President Mohamed bin Zayed Al Nahyan.
Ang mga katawagan ay tinalakay kasama si UAE Minister of Energy and Infrastructure Suhail Mohamed Faraj Al Mazrouel, na may dayalogo na nakatuon sa business collaborations, at pagpo-promote sa Pilipinas bilang isang ‘prime destination’ para sa Emirate investments.
“By combining the UAE’s leadership in innovative energy solutions with the Philippines’ ambitious drive for energy security and sustainability, this initiative has the potential to transform not only industries but also the lives of millions of Filipinos,” ang sinabi ng DOE.
“By attracting investments in energy infrastructure, the partnership will generate new jobs, enhance local expertise through technology transfer and capacity building, and support the development of a robust energy ecosystem,” aniya pa rin.
Samantala, nauna nang sinabi ni Energy Secretary Raphael Lotilla nito lamang buwan ng Oktubre na kailangan ng Pilipinas ng $500 bilyong halaga ng investment para makamit ang matibay at malinis na energy transition, hangad nito na itaas ang share ng renewable energy sa power mix ng bansa sa 35% sa taong 2030, at 50% sa taong 2050. Kris Jose
