MANILA, Philippines – Pinili ni Pope Francis si
Fr. Rufino “Jun” Sescon Jr., rector ng Minor Basilica and National Shrine of Jesus Nazareno sa Quiapo, Manila bilang susunod na obispo ng Diocese of Balanga sa Bataan.
Ang diocese ay “sede vacante,” o nangangahulugang may bakanteng pwesto makaraang ilagay naman si Bishop Ruperto Santos, bilang bagong obispo ng Diocese of Antipolo noong 2023.
Si Sescon ay nagsilbi bilang personal secretary ni late Manila Archbishop Jaime Cardinal Sin.
Siya rin ay chaplain ng Greenbelt Chapel at priest-in-charge ng Mary, Mother of Hope Chapel sa Landmark sa Makati.
Bukod sa pagiging rector ng Quiapo Church, si Sescon din ay ang executive director ng Catholic Mass Media Awards (CMMA).
Siya ay naordinahan bilang pari noong 1988 at humawak ng iba’t ibang posisyon sa Archdiocese of Manila. RNT/JGC
