MANILA, Philippines – NAKATAKDANG isagawa, bukas, araw ng Biyernes, Disyembre 6 ang Dugtong Buhay Movement, isang ang bloodletting activity para makatulong na i- promote ang public health.
Ang nasabing bloodletting drive ay pangungunahan ng Department of Budget and Management (DBM), na sinasabing pang-lima ng aktibidad.
Gagawin ang bloodletting activity sa Philippine General Hospital (PGH) sa Ermita, Maynila, mula alas-7 ng umaga hanggang alas-6 ng gabi.
Itinatag at pamumunuan ni Budget Secretary Amenah Pangandaman, ang Dugtong Buhay Movement ay binubuo ng DBM, Philippine Red Cross, Philippine Coast Guard, at Philippine National Police.
“With over 600 pledges received for the activity, the Dugtong Buhay Movement aims to promote public health by instilling the importance of voluntary blood donation to aid patients in need of medical attention,” ayon sa DBM.
Sinasabing ito ang kauna-unahang pagkakataon na ang University of the Philippines Manila (UPM) ay makikipag-partner sa DBM para sa blood donation drive, kasama ang affiliate organizations nito na UP Pahinungod, Phi Kappa Mu and Mu Sigma Phi Fraternities, at Phi Lambda Delta and Mu Sigma Phi Sororities.
Ang mga volunteers mula sa mga tauhan ng Bureau of Jail Management and Penology ay magkakaroon din ng bahagi sa aktibidad.
Samantala, ang Coca-Cola Philippines ang magsisilbing sponsor ng aktibidad.
Itinaguyod naman ng naturang aktibidad ang Republic Act 7719, o National Blood Services Act of 1994, na nagpo-promote sa boluntaryong blood donation upang masiguro ang ligtas at sapat na suplay ng dugo. Kris Jose
