MANILA, Philippine – Inilunsad ng environmental group ang kanilang taunang kampanya na layon na maiwasan ang fireworks-related injuries (FWRI) at pagsulong ng eco-friendly na pagdiriwang sa pamamagitan ng aktibidad sa Barangay Payatas sa Quezon City.
Nasa 2,000 participants kasama ang mga estudyante, guro, at magulang mula sa Payatas N Elementary School ,Barangay residents at local officials, at mga kinatawan mula sa Philippine National Police at Bureau of Fire Protection—ang nag-rally upang ipanqwagan ang “Iwas Paputok, Iwas Disgrasya, Iwas Polusyon (Avoid Firecrackers, Avoid Accidents, Avoid Pollution).”
Ang aktibidad kasabay ng pagdiriwang ng International Human Rights Day ay bilang panawagan na rin sa pagprotekta sa karapatan ng mga bata para sa kalusugan at ligtas na kapaligiran.
Ayon kay BAN Toxics Executive Director Reynaldo San Juan Jr., nagpaalala na may karapatan ang mga bata na protektahan mula sa pagkakalantad sa peligro sa kapaligiran.
Idinagdag pa na ang fireworks-related injuries ay nananatili bilang isang makabuluhang alalahanin, lalo na sa panganib sa kalusugan at kaligtasan ng mga bata.
