MANILA, Philippines- Asahan na ng mga kustomer ng Manila Electric Company (Meralco) ang bawas-singil sa household rate dahil sa mas mababang generation at transmission charges.
Sa abiso, inanunsyo ng Meralco na tatapyasan nito ang power rate ng 75 centavos per kilowatt-hour (kWh) para sa May billing cycle.
Nangangahulugan ang power rate rollback ng halos P150 na bawas sa bill ngayong buwan ng isang typical customer na kumokonsumo ng 200 kWh.
Partikular na bababa ang overall rate ng power distributor ng P0.7499 per kWh, na magdadala sa P12.2628 per kWh mula sa P13.0127 per kWh noong Abril.
“The rate reduction is due to lower generation and transmission charges,” pahayag ni Meralco vice president and head of Corporate Communications Joe Zaldarriaga. RNT/SA
