MANILA, Philippines – Inilunsad ng Department of Health (DOH) ang Patient Appointment System (PAS) para sa mas kumbinyenteng scheduling medical check-ups.
Kasalukuyan nang bukas ang PAS sa tatlong DOH hospitals sa Manila kabilang ang Jose R. Reyes Memorial Medical Center, San Lazaro Hospital at Dr. Jose Fabella Memorial Hospital.
Gugugol lamang ng dalawa hanggang tatlong minuto ang pagkuha ng appointments gamit ang PAS ayon sa DOH.
Narito ang mga hakbang sa paggamit ng PAS:
1. Bisitahin ang https://patientappointment.doh.gov.ph
2. Kumpirmahin na sumasang-ayon ka na gamitin ang PAS
3. Pumili ng ospital at ang kinakailangang serbisyo
4. Piliin ang gustong oras at petsa ng iyong appointment
5. Punan ang kinakailangang impormasyon at i-screenshot ito bago isumite
6.Pumunta sa ospital at ipakita ag screenshot ng inyong appointment.
