MANILA, Philippines – BINALAAN ng Chinese Embassy sa Maynila ang European Union (EU) na huwag makialam sa territorial at maritime issues na sangkot ang Pilipinas sa South China Sea.
Muling inulit ng embahada na ang regional bloc ay “has no standing” dahil hindi naman ito partido sa gusot.
“The EU is not a party to the South China Sea disputes and therefore has no standing to interfere in maritime disputes between China and the Philippines, nor to criticize China’s legitimate efforts to safeguard its territorial sovereignty and maritime rights and interests,”
ang nakasaad sa kalatas ng Chinese Embassy sa Maynila.
“We urge the EU to respect China’s territorial sovereignty and maritime rights and interests in the South China Sea and to refrain from actions that could escalate tensions,”
dagdag pa nito.
Nanawagan rin ang embahada sa Pilipinas na “not to bring external forces into the South China Sea disputes with China and to return to the right path of managing differences through dialogue and consultation with China.”
Ang pahayag na ito ay kasunod ng pagbisita ni EU High Representative for Foreign Affairs and Security Policy at Vice President of the European Commission (HRVP) Kaja Kallas, na nagpahayag ng hindi pagsang-ayon ng EU sa pamimilit ng Tsina sa rehiyon at muling pagtibayin ang commitment ng bloc sa 1982 United Nations Convention on the Law of the Sea (UNCLOS) at 2016 Arbitral Tribunal.
Binigyang-diin ng embahada na ang pag-angkin ng Tsina sa South China Sea ay hindi saklaw ng international law at, kahit pa consistent sa UN Charter, ang pagtatalo sa pagitan ng Beijing at Maynila ay labas sa saklaw ng UNCLOS dahil ito ay isang “matter of territorial sovereignty.”
Muli rin nitong itinanggi ang 2016 arbitral tribunal victory na nagpapawalang-bisa sa nine-dash-line claim ng Tsina, at sinabing ang award ay:
“violated the principle of state consent, exercised its jurisdiction ultra vires, and rendered an award that disregards the law.”
“As such, the award is unlawful, null and void, and entirely without legal effect. China does not accept or recognize the award and will not accept any claims or actions based on it,”
ayon sa kalatas.
Sinabi pa ng embahada na ang sitwasyon sa pinagtatalunang teritoryo ay “generally stable” at ang “freedom of navigation and overflight in this area has never been an issue,” sa kabila ng mga ulat ng harassment ng Chinese ships sa Philippine vessels, kabilang na ang maritime research delegations.
Ayon sa mga ulat, inaangkin ng Tsina ang halos buong South China Sea, kabilang ang exclusive economic zones (EEZs) ng mga kalapit-bansang Pilipinas, Vietnam, Malaysia, at Brunei.
Ang basehan ng kanilang pag-angkin ay ang 1947 map na nagpapakita ng mga gitling na nagsisilbing balangkas ng mga sinasabing maritime territories ng Beijing. Kris Jose
