MANILA, Philippines- Sinuspinde ng Land Transportation Office (LTO) ang lisensya ng public utility vehicle (PUV) driver na sangkot sa road crash na nagresulta sa pagkasawi ng dalawang pasahero sa Tacloban City nitong Martes.
Sinabi ng LTO nitong Huwebes na nag-isyu rin ng show cause order laban sa driver.
Ayon sa imbestigasyon ng ahensya, bumangga ang PUV sa isang lamp post malapit sa Tacloban City Airport sa Barangay San Jose nitong Martes.
“Instead of rendering assistance, the driver fled,” anito.
Bukod sa dalawang namatay, ilang pasahero rin ang sugatan.
Binigyang-diin ni LTO Region 8 Regional Director Ledwino Macariola na labag ang aksyon ng driver sa Republic Act No. 4136, o ang Land Transportation and Traffic Code.
Binigyan ang driver ng 10 araw upang ipaliwanag din kung bakit ang driver’s license niya “should not be cancelled, or revoked, and/or why appropriate fines and penalties should not be imposed upon you, for your vicarious liability arising from the acts.”
Sinuspinde rin ang lisensya ng driver sa loob ng 90 araw mula sa pagkakatanggap ng show cause order, batay sa LTO. RNT/SA
