MANILA, Philippines – Nanawagan ang grupo ng telecommunications companies kay Pangulong Ferdinand Marcos Jr. na i-veto ang Konektadong Pinoy Bill sa posibilidad ng national security issues.
“The current bill is flawed with national security issues as well as the lack of protection for small players like us that are already providing service to rural areas,” ayon kay Atty. Normandy Baldovino Jr., presidente ng Philippine Association of Private Telecommunications Companies (PAPTELCO).
Ayon sa PAPTELCO, magbibigay-daan ang panukala sa anumang kompanya na magtayo ng cable landing stations at international gateway facilities sa bansa nang hindi na kumukuha ng legislative franchise.
“We can’t sacrifice the country’s national security. While the Konektadong Pinoy bill has good intentions, it may have adverse effects down the road similar to when the government legalized Philippine Offshore Gaming Corporations (POGO),” ani Baldovino.
“We have to correct the bill itself to ensure there is nothing lost when it comes to the implementing rules and regulations,” dagdag pa niya.
Sinertipikahang urgent ni Marcos ang pagpasa ng Senate Bill 2699 o Konektadong Pinoy Bill, na layong magbigay ng abot-kaya at accessible na internet connectivity sa mga Filipino sa buong bansa.
Niratipikahan ng Senado at Kamara ang panukala noong Abril 9, 2025.
Isinusulong din ng National Economic and Development Authority (NEDA) ang pagpasa ng panukala na magbibigay anila ng open access at transparency sa data transmission sector ng bansa. RNT/JGC
