MANILA, Philippines – Pinangunahan ng Philippine Coast Guard (PCG) Marine Science Group ang rehabilititation efforts sa coral reef sa Pag-asa Island, Kalayaan Group of Islands sa Palawan.
Maingat na pinili ang mga corals at itinanim sa ilalim ng dagat.
Kasama sa joint rehabilitation mission sina Assistant Deputy Chief of Coast Guard Staff for Marine Environmental Protection (CG-9), Commander James Barandino ng PCG.
Ito ay bilang pagtugon sa direktiba ni Pangulong Ferdinand Marcos Jr na patuloy na protektahan at ibalik ang marine ecosystems sa West Philippine Sea (WPS).
Bukod dito, nagsagawa na rin ang PCG ng biodiversity assessments and underwater surveys.
Katuwang ng PCG ang Palawan Council for Sustainable Development at ang marine scientists mula Western Philippines University – Puerto Princesa Campus. Jocelyn Tabangcura-Domenden
