MANILA, Philippines – Nakararamdam pa rin umano ng sakit si dating Negros Oriental representative Arnolfo “Arnie” Teves Jr. dahilan para siya ay isailalim pa rin sa patuloy na medical observations.
“Just talked to Mr. Teves’ doctors. He is still in pain due to post-operative complications, going up to 10/10 on the pain scale just this morning, necessitating the attention of a pain management doctor,” pahayag ng legal counsel ni Teves na si Atty. Ferdinand Topacio.
Sumailalim sa appendectomy si Teves sa Philippine General Hospital noong nakaraang linggo.
Ani Topacio, ang kanyang kliyente ay nasa “powerful painkillers” at hindi makakain o makainom.
Dahil dito ay kinakailangang pakainin ang dating mambabatas sa pamamagitan ng intubation.
“He is currently on ATC (around the clock) observation by medical professionals to address current concerns and to prevent future ones.” RNT/JGC
