Higit P13M shabu nasamsam sa Marawi

MANILA, Philippines – Naaresto ng mga tauhan ng Philippine Drug Enforcement Agency (PDEA) Regional Special Enforcement Team kasama ang 45th Special Action Company, 4th Special Action Battalion, the 51st Infantry Battalion, at Marawi City Police Station ang isang high-value target sa buy-bust operation na isinagawa sa Barangay Bangolo Poblacion, Marawi City nitong Linggo, Hunyo 22.

Nagresulta ang operasyon sa pagkakasamsam ng dalawang kilo ng shabu na nagkakahalaga ng ₱13,600,000.

Narekober din ng mga awtoridad ang buy-bust money, iba’t ibang drug paraphernalia, isang (1) unit ng mobile phone, identification cards, at Yamaha X-Max motorcycle na pinaniniwalaang ginagamit nito sa pagtutulak ng illegal na droga.

Ang suspek na kinilalang si alyas Orak, 21-anyos, at residente ng Barangay Cairatan, Molundo, Lanao del Sur, na ngayon ay nasa kustodiya na ng PDEA BARMM Jail Facility at nahaharap sa reklamong paglabag sa Republic Act 9165 o Comprehensive Dangerous Drugs Act of 2002.

“This successful operation exemplifies the strength of inter-agency collaboration and the unwavering commitment of PDEA to rid the Bangsamoro region of illegal drugs,” sinabi ni PDEA Regional Director Gil Cesario P. Caatro. RNT/JGC