MANILA, Philippines – Magiging unang manlalaro sa kasaysayan ng NBA si LeBron James na maglalaro sa loob ng 23 season sa kanyang pagbabalik sa Los Angeles Lakers sa 2025-26.
Ginamit ni James, ang career leading scorer ng NBA, ang kanyang $52.6 million player option para sa paparating na season, ayon sa ulat.
Hindi kaagad nalaman kung nais ni James, 40, na maglaro sa darating na season.
“Gusto ni LeBron na makipagkumpetensya para sa isang kampeonato,” sinabi ni Clutch Sports CEO Rich Paul. “Alam niya na ang Lakers ay naghahanda para sa hinaharap. Naiintindihan niya iyon, ngunit pinahahalagahan niya ang isang makatotohanang pagkakataon na mapanalunan ang lahat ng ito. Lubos kaming nagpapasalamat sa partnership na mayroon kami sa loob ng walong taon kasama sina Jeanie [Buss, controlling owner and team president] at Rob [Pelinka, president of basketball operations/general manager] at isaalang-alang ang Lakers bilang isang kritikal na bahagi ng kanyang karera.
“Naiintindihan namin ang kahirapan sa pagkapanalo ngayon habang naghahanda para sa hinaharap. Gusto naming suriin kung ano ang pinakamahusay para kay LeBron sa yugtong ito ng kanyang buhay at karera. Gusto niyang gawing mahalaga ang bawat season na natitira niya, at naiintindihan iyon ng Lakers, suportado sila at gusto kung ano ang pinakamahusay para sa kanya.”
Si James, na naglaro sa 1,562 regular-season games, ay kapos lang ng 50 para basagin ang NBA record ng miyembro ng Hall of Fame na si Robert Parish.
Nag-average si James ng 24.4 points, 7.8 rebounds at 8.2 assists sa 70 laro noong 2024-25 para ma-rank sa top 22 sa bawat kategorya.
Siya ay isang 21-time All-Star, four-time league MVP at four-time NBA champion.JC
