MANILA, Philippines – Ilang opisyal ng Manila Police District (MPD) ang inilipat ng puwesto o nare-assign base sa ibinabang special order o kautusan ni MPD Director P/Brig. General Benigno Guzman.
Kabilang dito si PLtCol Wilfredo Lazarito Jr na malilipat sa District Personnel Holding and Accounting Section -District Personnel and Records Management Division (DPHAS-DPRMD) mula sa Barbosa Poice Station (PS 14).
Sa Office of the District Director (ODD) naman nalipat si PLtCol Alvin Christopher Leomo Baybayan mula sa pagiging hepe ng Moriones Police Station (PS-2).
Samantala, si PLtCol Rommel Salandanan Anicete na Assistant Chief ng DIDMD ay madaragdagan ng tungkulin at responsibilidad bilang Officer-In-Charge ng Baseco Police Station (OIC, PS-13).
Naitalaga rin bilang Officer-in-Charge sa Barbosa Police Station (OIC, PS 14) si PLtCol Arwen de Silva Nacional na kasalukuyan din Chief ng District Holding Support Unit (DSHU).
Ang kautusan ay nilagdaan noong Hunyo 26 at magiging epektibo nitong Hunyo 30, 2025. Jocelyn Tabangcura-Domenden
