MANILA, Philippines – Tumanggap ang Pilipinas ng walong Rohingya refugees mula sa Bangladesh at Myanmar.
Ito na ang ikaapat na batch na tinanggap ng Pilipinas, ayon sa Department of Foreign Affairs nitong Lunes, Hulyo 7.
Mula nang tanggapin ng Pilipinas ang United Nations-backed Complementary Pathways (CPath) Program noong 2019, nag-host na ang bansa ng nasa 30 Rohingya refugees.
Ang bagong batch ay dumating sa Manila noong Hulyo 3, kung saan sinabi ng DFA na magbibigay ito ng tirahan sa bansa.
“The program offers selected Rohingya refugees displaced in Southeast Asia a safe, regulated avenue for admission and stay in the Philippines through education,” ayon sa DFA.
“The initiative not only meets their immediate protection needs and upholds their basic rights, but also empowers them with the necessary tools for long-term self-reliance.”
Matatandaan na sinimulan noong 2017 ang brutal na crackdown ng mga tropa sa Myanmar sa Rakhine state na tinawag ng pamahalaan bilang tugon sa terrorist attacks ng Arakan Rohingya Salvation Army, o ARSA, sa 30 Myanmarese police outposts at military base.
Dahil dito ay libo-libong Rohingyas ang tumakas sa mga kalapit na bansa sa pamamagitan ng land at sea travel. RNT/JGC
