MANILA, Philippines – Ayon sa datos ng Philippine Atmospheric, Geophysical, and Astronomical Services Administration (PAGASA) ang mga gate ng dalawang Luzon dam na dating binuksan ay sarado na nitong Sabado.
Alas-12 ng umaga nitong Hulyo 12, isinara ang isang gate sa Ambuklao Dam sa Benguet, na bukas sa 0.5 metro noong Biyernes, ayon sa PAGASA-Flood Forecasting and Warning Section.
Gayundin, ang isang gate ng Binga Dam sa Benguet, na bukas noong Biyernes sa 0.3 metro, ay isinara noong 12 a.m.
Ang mga gate ng dam ay binuksan noong unang bahagi ng linggo upang magpalabas ng tubig sa gitna ng malakas na pag-ulan mula sa Southwest Monsoon (Habagat).
Patuloy na mananaig ang Southwest Monsoon sa buong Pilipinas, sabi ng PAGASA.
Ang Western Visayas, Cavite, Batangas, Palawan, at Occidental Mindoro ay makararanas ng paminsan-minsang pag-ulan, habang ang Metro Manila, Mindanao, Central Luzon, Bicol Region, Pangasinan, ang natitirang bahagi ng Visayas, CALABARZON, at MIMAROPA ay aasahan ang maulap na papawirin na may kalat-kalat na pag-ulan at pagkidlat-pagkulog.
Bahagyang maulap na papawirin na may pulu-pulong mga pag-ulan o pagkidlat-pagkulog ang mararanasan sa natitirang bahagi ng Luzon, sabi ng PAGASA. RNT/MND
