MANILA, Philippines – Nangako si Transportation Secretary Vince Dizon na bibigyan ng hustisya ang pagpatay sa enforcer ng Special Action and Intelligence Committee for Transportation (SAICT) sa Cavite.
Sa pahayag nitong Sabado ng gabi, Hulyo 12, kinondena ni Dizon ang pagpatay sa SAICT enforcer na si Hervin T. Cabanban, na napaulat na binaril sa kanyang tirahan sa Cavite.
Ani Dizon, may direktiba si Pangulong Ferdinand Marcos Jr. sa Department of Transportation (DOTr) na siguruhing maibibigay ang hustisya para kay Cabanban at ang kanyang pamilya “will be attained immediately.”
“I strongly condemn in the strongest terms the heinous killing of our SAICT enforcer. President Bongbong Marcos has ordered the swift resolution of this crime,” saad sa pahayag ni Dizon.
“To that/those who killed our SAICT enforcer, I assure you, justice will pursue you,” giit pa niya.
Sinabi rin ng DOTR chief na patuloy itong makikipag-ugnayan sa law enforcement agencies, katulad ng Philippine National Police at National Bureau of Investigation, para makamit ng SAICT enforcer ang hustisya. RNT/JGC
