MANILA, Philippines – Inaresto ng mga awtoridad ang isang dating manggagawa ng Philippine Offshore Gaming Operators (POGO) sa Ninoy Aquino International Airport dahil sa umano’y human trafficking at nailigtas ang walong Pilipinong patungo sa Cambodia, sinabi ng Department of Migrant Workers (DMW) nitong Huwebes, Hulyo 17.
Sa isang pahayag, sinabi ng DMW na naharang ang suspek noong Linggo, Hulyo 13, matapos niyang tangkaing ipadala ang mga biktima sa Vietnam at pagkatapos ay sa Cambodia upang magtrabaho bilang mga scammer.
Batay sa imbestigasyon, inutusan ang suspek ng dating Chinese na amo na ayusin ang mga dokumento ng mga biktima.
Ang walong biktima sana ang ikatlong batch na ipapadala niya sa Cambodia.
Ang suspek ay binayaran umano sa pamamagitan ng cryptocurrency para sa bawat biktima na kanyang na-recruit.
Mahaharap siya sa kasong illegal recruitment at human trafficking.
Iniimbestigahan ng mga awtoridad kung may iba pang kasabwat sa illegal recruitment.
Hinimok ng Migrant Workers Protection Bureau ng DMW ang iba pang mga biktima na makipag-ugnayan sa ahensya sa pamamagitan ng kanilang opisyal na Facebook account para sa legal na tulong. RNT/MND
