MANILA, PHilippines – Itinaas sa “Code White” alert ang mga ospital at health facilities sa Negros Occidental dahil sa matinding pag-ulan at pagbaha dulot ng habagat at Tropical Depression Crising, ayon kay Provincial Health Officer Dr. Girlie Pinongan nitong Biyernes.
Hinimok ang mga residente sa flood-prone areas na lumikas at ang mga nalubog sa baha na magtungo sa health centers para sa doxycycline laban sa leptospirosis.
Binalaan din ni Pinongan ang publiko laban sa waterborne diseases gaya ng typhoid, cholera, at leptospirosis, pati na rin sa sakit na dala ng lamok tulad ng dengue.
“It is best to boil drinking water to avoid illnesses caused by flooding contamination,” aniya. RNT
