MANILA, Philippines – Suportado ng Armed Forces of the Philippines (AFP) ang planong pagtatayo ng Estados Unidos ng boat maintenance facility sa Naval Detachment Oyster Bay sa Palawan.
“The AFP supports any effort by partner nations to increase our capability not only for operations but even for support and sustainment,” ayon kay Philippine Navy spokesperson Rear Admiral Roy Vincent Trinidad.
Kumpirmado ng US Embassy ang paglalabas ng public solicitation para sa disenyo at konstruksyon ng pasilidad, na magsisilbing repair at maintenance hub ng mga maliliit na watercraft ng militar.
Tumanggi si Trinidad na magkomento kung paano ito tatanggapin ng China, ngunit iginiit na may mga umiiral na kasunduan sa pagitan ng mga bansa. Santi Celario
